domingo, 31 de enero de 2016

Aportacións ó coñecemento da flora da comarca de Ancares I

Imos comezar unha xeira de entradas sobre flora, xa que temos bastantes citas anotadas e antes de que outra primavera nos pille imos a comentalas.

-Ceterach officinarum subsp. officinarum. Varios exemplares deste fento coñecido como douradiña preto dunha graveira sobre calcarias por A Cruz da Horta (Becerreá) o 10 maio 2015.
Ceterach officinarum subsp. officinarum por A Cruz da Horta (Becerreá).

-Aconitum vulparia subsp. neapolitanum. Varios exemplares desta planta coñecida como matacán ou matalobos en floración o 19 de xullo de 2014 desta rara planta que se pode atopar en lugares húmidos e por riba dos 700 m de altura e nas serras orientais galegas como é o lugar onde a atopamos preto de Os Cabaniños (Cervantes).
Aconitum vulparia subsp. neapolitanum por Os Cabaniños (Cervantes).

-Anemone nemorosa. Numerosos exemplares en floración, desta especie típica dos nosos bosques húmidos interiores, observados o 20 de abril de 2015 por varias zonas de Pedrafita do Cebreiro e Cervantes, como os fotografados preto de Campo Formoso (Cervantes).
Anemone nemorosa preto de Campo Formoso (Cervantes).

-Corydalis cava subsp. cava. Varios exemplares en floración o 19 de marzo de 2014 no tramo alto do río Navia ao seu paso polo concello de As Nogais e Becerreá formando sotobosque de frondosas autóctonas.
Corydalis cava subsp. cava por As Nogais.

-Lychnis flos-cuculi subsp. flos-cuculi. Uns 10 exemplares en floración da coñecida como herba ou flor do cuco o 2 de xuño de 2014 nun pasteiro brañento ao pe do rego de Brañas e preto de O Faial por Fonteformosa xa na Serra da Escrita (Pedrafita do Cebreiro).
Lychnis flos-cuculi subsp. flos-cuculi por (Pedrafita do Cebreiro).

-Dianthus hyssopifolius Caravel bravo. Varios exemplares en floración o 18 de agosto de 2014 nas calcarias de Cruzul (Becerreá) e noutras calcarias en lugares próximos.
Dianthus hyssopifolius por Becerreá.

-Viola suavis. Varios exemplares en floración nas calcarias de Cruzul o 9 de abril de 2014, concretamente por A Cruz da Horta (Becerreá).
Viola suavis por Becerreá.

-Viola saxatilis. Varios exemplares en floración o 18 de maio de 2015 por Brañas (Pedrafita do Cebreiro).
Viola saxatilis por Pedrafita do Cebreiro.

-Alliaria petiolata.Varios exemplares en floración en varias localizacións baixo bosque de ribeira en varios sitios no tramo alto do río Navia ó seu paso polos concellos de As Nogais e Becerreá o 9 de abril de 2014.
Alliaria petiolata por As Nogais.

-Erysimum linifolium. Varios exemplares en floración o 29 de maio de 2014 polo Taro Branco (Folgoso de Courel) nesa zona de calcarias xa no Courel.
Erysimum linifolium por Folgoso de Courel.

Continuará...

miércoles, 6 de enero de 2016

Orquídeas a destempo

Xa que logo estamos comezando o 2016 imos comentar nesta entrada o que foi a tempada 2015 no canto das orquídeas observadas na comarca de Ancares:

-Dactylorhiza insularis. Uns 13 exemplares en flor mesturadas con alomanos unha ducia de exemplares de Orchis mascula entre Fonteboa e Fonlor (Pedrafita do Cebreiro) o 14 de maio.
Dactylorhiza insularis entre Fonteboa e Fonlor (Pedrafita do Cebreiro).

-Himantoglossun hircinum. Uns 8 exemplares case en floración por Cadoalla (Becerreá) o 13 de maio. Tamén no mesmo sitio e data uns 70 exemplares en floración de Ophrys sphegodes e moi preto un exemplares de en floración Orchis provincialis preto do cemiterio.
Ophrys sphegodes por Cadoalla (Becerreá). 

Orchis provincialis por Cadoalla (Becerreá).

-Orchis italica. 10 exemplares en flor nun par de taludes chegando ao lugar de Trabazas (Pedrafita do Cebreiro) o 12 de maio e 12 exemplares tamén en flor o 13 de maio entre Lousada e Pacios (Pedrafita do Cebreiro).
Orchis italica preto de Trabazas (Pedrafita do Cebreiro).

-Orchis mascula. 8 exemplares en flor pola zona da Pena de Murias (Navia de Suarna) o 9 de maio. Tamén uns 20 exemplares o 18 de maio na Pena do Viso preto de Chan de Pena (Pedrafita do Cebreiro).
-Ophrys sphegodes. 15 exemplares en flor por A Cruz da Horta (Becerreá) o 10 de maio.
-Dactylorhiza markusii. 13 exemplares en floración preto do lugar de Brañas (Pedrafita do Cebreiro) o 18 de maio. No mesmo día e zona uns 75 exemplares de Aceras anthropophorum e uns 30 de Orchis mascula.
Dactylorhiza markusii preto de Brañas (Pedrafita do Cebreiro). 

Aceras anthropophorum preto de Brañas (Pedrafita do Cebreiro).

-Dactylorhiza cantabrica. 1 exemplares en floración o 18 de maio preto de Chan de Pena (Pedrafita do Cebreiro).
Dactylorhiza cantabrica preto de Chan de Pena (Pedrafita do Cebreiro).