domingo, 5 de mayo de 2019

Máis plantas.

Imos retomar a flora, a das comarcas de Ancares e Fonsagrada, para acordarnos de todas estas citas recollidas e sen publicar. Tendo en conta que xa estamos nunha nova estación primaveral, na que esperamos moitas máis citas, imos poñernos ó día.

Comezamos pola miña primeira cita na zona de Gentiana pneumonanthe, unha pequena poboación duns 10 exemplares en plena floración o 22 de setembro de 2018 nunha ladeira do Pico Surcio (Navia de Suarna).
Gentiana pneumonanthe polo Pico Surcio (Navia de Suarna).

Outra primeira cita persoal foi a das coñecidas como poutegas ou mel de raposo Cytinus hypocistis. Un pequeno feixe en floración o 30 de abril de 2017 preto de Vilouxín (Negueira de Muñiz) parasitando plantas de Halimium sp.
Cytinus hypocistis por Vilouxín (Negueira de Muñiz).

- Rhamnus cathartica. Un pequeno bosquete desta pequena árbore o 21 de outubro de 2018 preto do coñecido como camiño real nunha ladeira de calías do monte Xirondo (As Nogais).
Rhamnus cathartica no monte Xirondo (As Nogais).

- Xiphion latifolium. Máis de 200 exemplares en plena floración o 15 de xullo de 2017 preto da Boca do Campo (Cervantes).
Xiphion latifolium preto da Boca do Campo (Cervantes).

- Drosera rotundifolia. Dúas novas observacións desta especie. Unha numerosa poboación pola serra de Barreiro (Navia de Suarna) o 25/07/2016 e outra máis reducida de menos de 50 exemplares o 22/06/2017 por O Chao de Corros (Cervantes).

Drosera rotundifolia pola serra de Barreiro (Navia de Suarna).

- Meconopsis cambrica. Máis de 100 exemplares en flor o 29/05/2017 baixo un faial preto de Brañas (Pedrafita do Cebreiro).
Meconopsis cambrica por Brañas (Pedrafita do Cebreiro).

- Árnica Arnica montana. Máis de 50 exemplares en flor nunha zona brañenta o 22/06/2017 por A Golada (Pedrafita do Cebreiro).
Arnica montana por A Golada (Pedrafita do Cebreiro).

- Cytisus commutatus. Varios exemplares en flor o 16/05/2016 preto de Asar (Navia de Suarna), xa preto do límite con Asturias.
Cytisus commutatus preto de Asar (Navia de Suarna).

- Arabis alpina. Varios exemplares en floración sobre calías o 13/05/2015 por Vilardíaz (A Fonsagrada).
Arabis alpina por Vilardíaz (A Fonsagrada).

- Linaria elegans. Máis de 100 exemplares en flor o 27/04/2016 por A Laxe – Alence (As Nogais).
Linaria elegans por A Laxe – Alence (As Nogais).

- Tuberaria globulariifolia.Varios exemplares en flor no talude da estrada a Rao deste endemismo do Noroeste da Península Ibérica o 10/06/2016 preto de Faquís (Navia de Suarna).
 Tuberaria globulariifolia preto de Faquís (Navia de Suarna).

- Narthecium ossifragum. Abondosa poboación en zona brañenta o 25/07/2016 pola Serra de Barreiro – Asar (Navia de Suarna).
Narthecium ossifragum pola Serra de Barreiro – Asar (Navia de Suarna).

- Centauria aristata. Varios exemplares o 22/09/2018 preto de Aigas (Navia de Suarna).
Centauria aristata preto de Aigas (Navia de Suarna).

lunes, 11 de febrero de 2019

... e unhas bolboretas

Agora imos coas bolboretas, cun feixe de citas e fotografías que tiña pendentes para poñerme ao día:

-Colias crocea : Uns 8 exemplares o 27/08/2016 polo regueiro de Courisco (Pedrafita do Cebreiro).
Colias crocea polo regueiro de Courisco (Pedrafita do Cebreiro).

-Papilio machaon: Un exemplar o 26/05/2017 nun parque infantil pola zona da Fonte dos Ranchos (Lugo).
Papilio machaon pola zona da Fonte dos Ranchos (Lugo).

-Pyronia tithonus: 2 exemplares o 21/07/2017 por Riocereixa de Abaixo(Pedrafita do Cebreiro).
Pyronia tithonus por Riocereixa de Abaixo(Pedrafita do Cebreiro).

-Calliteara pudibunda: 1 exemplar desta curiosa eiruga o 11/09/2017 no Paseo do Miño (Lugo).
Calliteara pudibunda no Paseo do Miño (Lugo).

-Apatura ilia: 1 exemplar o 03/07/2018 voando na regueira de Cubelo por Robledo de Rao (Navia de Suarna).

-Saturnia pavonia: 1 larva o 06/07/2018 pola estrada preto da Ponte da Pedreira (Baralla).
Saturnia pavonia preto da Ponte da Pedreira (Baralla).

-Sphinx ligustri: 1 exemplar xa morto (creemos que desta especie pero non estou seguro) o 20/10/2018 por Piugos de Pena (Lugo).
Sphinx ligustri por Piugos de Pena (Lugo). 

viernes, 7 de diciembre de 2018

Uns poucos odonatos

Non quería que acabara o ano sen actualizar este blog, por iso volvo a facer unha entrada, esta vez cos cabaliños do demo e libeliñas que fun recompilando e aínda non viron a luz. Pouca cousa por ahora pero non o único que teño na recámara, pero que terán que esperar a capítulos vindeiros.

- Lavacú azafrán Sympetrum flaveolum. Nunha visita realizada o 05/07/2016 ó Pozo do Lago Maior (Pedrafita do Cebreiro) fotografiei esta femia inmadura. Noutra visita o mesmo lugar o 14/09/2018 observei máis de 20 exemplares, algúns en tándem. Tamén nese mesmo sitio e día vin voando varios exemplares da libeliña de outono Aeshna mixta.

Femia inmadura de Sympetrum flaveolum no Pozo do Lago Maior (Pedrafita do Cebreiro).
 
Tándem de Sympetrum flaveolum no Pozo do Lago Maior (Pedrafita do Cebreiro).

Aeshna mixta no Pozo do Lago Maior (Pedrafita do Cebreiro).
 
- Cordulegaster boltonii. O 25/07/2016 pola serra de Barreiro, preto de Asar (Navia de Suarna) alomenos 2 exemplares voan nun regato ao longo da pista. Tamén moi preto varios exemplares de Onychogomphus uncatus.

Cordulegaster boltonii na serra de Barreiro (Navia de Suarna). 

Onychogomphus uncatus na serra de Barreiro (Navia de Suarna).

- Gaiteiriño dríade Lestes dryas. Varios exemplares o 22/06/2017 por A Golada (Pedrafita do Cebreiro).

Lestes dryas por A Golada (Pedrafita do Cebreiro). 

viernes, 9 de febrero de 2018

Sacando bolboretas do caixón

Nestes días fríos, nos que a neve domina a paisaxe, imos rescatar do caixón un lote de citas de bolboretas que viñan agardando unha ocasión como esta para ver a luz.

Comezamos esta entrada por dúas interesantes bolboretas que conseguimos observar e moi pretiño unha da outra. Trátase da Bolboreta Apolo Parnassius apolo e do Pequeno Pavón Saturnia pavonia.

Da primeira, Parnassius apolo, xa tiñamos coñecemento de que estaba citada na serra de Ancares, pero non foi ata o 15/07/2017 cando por fin conseguimos observar e fotografar polo menos 3 exemplares na Golada de Boca de Campo (Cervantes).
Parnassius apolo na Golada de Boca de Campo (Cervantes).

Da segunda, Saturnia pavonia, a verdade e que non tiña moita información, polo que foi unha sorte podee ver, o mesmo día e practicamente no mesmo sitio, como por un carreiro andaba unha curiosa eiruga que resultou ser un probable cuarto estadío desta especie que nun primeiro momento confundín con Saturnia pyri, pero que grazas a un corrección feita por un lector deste blog puiden identificar correctamente.
Saturnia pavonia na Golada de Boca de Campo (Cervantes).

Outras citas de bolboretas que tamén tiñamos no caixón son as seguintes:

-Erebia palarica. Polo menos 2 ex. o 27/07/2016 polo lugar de Chao dos Bois (Pedrafita do Cebreiro) na pista pista forestal que atravesa un faial.
Erebia palarica en Chao dos Bois (Pedrafita do Cebreiro).

- Argynnis paphia. Un ex. o 25/07/2016 na Serra de Barreiro, preto de Asar (Navia de Suarna).
Argynnis paphia na Serra de Barreiro, preto de Asar (Navia de Suarna).

- Lampides pirithous. Polo menos 6 ex. o 25/07/2016 na Serra de Barreiro, preto de Asar (Navia de Suarna).
Lampides pirithous na Serra de Barreiro, preto de Asar (Navia de Suarna).

- Lycaena alciphron. Polo menos 6 ex. o 25/07/2016 na Serra de Barreiro, preto de Asar (Navia de Suarna).
Lycaena alciphron na Serra de Barreiro, preto de Asar (Navia de Suarna).

- Polyommatus icarus. Polo menos 6 ex. o 27/08/2016 por O Chao de Corros (Cervantes) e outros tantos o 01/09/2016 entre Guilfrei e As Bouzas (Becerreá).
Polyommatus icarus entre Guilfrei e As Bouzas (Becerreá).

- Limenitis reducta. 2 ex. o 04/06/2017 nun ameneiro Alnus glutinosa á beira do río Navia por A Ponte da Muria (Navia de Suarna).
Limenitis reducta por A Ponte da Muria (Navia de Suarna).

- Brenthis daphne . Máis de 2 ex. O 22/06/2017 por A Golada (Pedrafita do Cebreiro).
Brenthis daphne por A Golada (Pedrafita do Cebreiro).

- Lycaena virgaureae. 2 ex. O 21/07/2017 en Riocereixa de Abaixo (Pedrafita do Cebreiro).
Lycaena virgaureae. 2 ex. O 21/07/2017 en Riocereixa de Abaixo (Pedrafita do Cebreiro).

- Kanetisa circe. 2 ex. o 06/09/2017 entre Carriz e Pilliceira (Navia de Suarna).
Kanetisa circe entre Carriz e Pilliceira (Navia de Suarna).

- Lampides boeticus. Tamén 2 ex. o 06/09/2017 entre Carriz e Pilliceira (Navia de Suarna).
Lampides boeticus entre Carriz e Pilliceira (Navia de Suarna).

sábado, 25 de noviembre de 2017

Un feixe de réptiles

Unhas cantas fotografías e/ou citas de réptiles na comarca de Ancares que tiña pendente de publicar:

- Lagarto das silvas Lacerta schreiberi. 1 macho en época de celo mostra o seu característico azulado na cabeza preto de Rao (Navia de Suarna) o 21 de abril de 2017.

 Lagarto das silvas Lacerta schreiberi por Rao (Navia de Suarna).

- Lagarta galega Podarcis bocagei. 1 femia aínda activa o 11 de novembro de 2015 toma o sol na beira do camiño de Deva a Brego (Cervantes).

Lagarta galega Podarcis bocagei no camiño de Deva a Brego (Cervantes).

- Cobra de colar Natrix natrix (agora disque Natrix astreptophora). 1 exemplar de máis de 1 metro de lonxitude atropelado na estrada por Souto (Navia de Suarna) o 21 de setembro de 2017.

- Cobra lagarteira común Coronella austriaca. 1 pequeno exemplar cruza unha pista na serra de Trabado (Navia de Suarna) o 25 de outubro de 2016.
 
Cobra lagarteira común Coronella austriaca na serra de Trabado (Navia de Suarna).

- Cobra lagarteira meridional Coronella girondica. 1 exemplar adulto atropelado na estrada o 29 de setembro de 2017 preto de San Román (Cervantes).

 Cobra lagarteira meridional Coronella girondica preto de San Román (Cervantes.

- Víbora de seoane Vipera seoanei. Varias citas desta especie na comarca de Ancares: unha atropelada na estrada entre Pradela e Poso (Cervantes) o 27 de abril de 2016, outra tamén atropelado nunha pista preto de Coro (Navia de Suarna) o 8 de maio de 2017, unha terceira víbora de seoane tamén atropelada nunha pista por Vilar (Cervantes) o 5 de setembro de 2016 e por último outra, como non, atropelada tamén o 4 de xuño de 2017 entre Vilar e As Pontes de Xantes (Cervantes) coa peculariedade esta última de ser melánica (víbora negra).

Víbora de seoane Vipera seoanei entre Pradela e Poso (Cervantes).

Víbora de seoane Vipera seoanei  preto de Coro (Navia de Suarna. 

Víbora de seoane melánica Vipera seoanei entre Vilar e As Pontes de Xantes (Cervantes).

domingo, 20 de agosto de 2017

Bufo pequeno e outras citas ornitolóxicas

Para non ter isto tan parado, mea culpa, vou adicar enta entrada á ornitoloxía amosando unhas cantas citas e fotografías que fun compilando neste último tempo.
- Bufo pequeno Asio otus. Un exemplar o 16/07/2016 preto de Doiras (Cervantes) que xa de noite se atopaba ferido na gabia da estrada, probablemente dun golpe cun coche e que foi trasladado ó CRFS de O Veral. Outro exemplar foi observado por Pío e outros o 09/09/2016 na golada de Patamanán (Cervantes) tamén de noite pousado no cortalumes/pista que leva ó Penarrubia.

Bufo pequeno Asio otus ferido preto de Doiras (Cervantes).

- Moucho de orellas Otus scops 1 ex oído á noitiña hacia Freixís no trascurso dunha estación de censo á arcea o 29/06/2017 preto de Vilarpandín (Navia de Suarna).
- Aguia calzada Hieraaetus pennatus. Un exemplar morfo claro o 01/06/2016 sobrevoa o val do Navia e o monte de Cogoma preto de Cabana (Cervantes).

Aguia calzada Hieraaetus pennatus preto de Cabana (Cervantes).

- Gatafornela Circus cyaneus. Un macho adulto o 25/09/2016 voando preto do Penarrubia (Cervantes).
- Tartaraña cincenta Circus pygargus. Un macho adulto o 06/06/2017 por Barbeitos (A Fonsagrada) voando preto do mesón Catroventos.

Tartaraña cincenta Circus pygargus por Barbeitos (A Fonsagrada).

- Voitre Gyps fulvus. Numerosas observacións, sobre todo nos cumios de Ancares, tamén noutras zonas da comarca.

Voitre Gyps fulvus na comarca de Ancares.

- Voitre negro Aegypius monachus. 2 ex sobrevoan Arexo e A Fornaza (A Fonsagrada) xunto con dous Gyps fulvus o 06/07/2017.

Voitre negro Aegypius monachus por Arexo e A Fornaza (A Fonsagrada).

- Millafre real Milvus milvus. Un exemplar probablemente xuvenil nunha prea de xabarín o 12/12/2016 na zona das Penas do Val de Vilar, preto de O Padornelo (Pedrafita do Cebreiro).

Millafre real Milvus milvus preto de O Padornelo (Pedrafita do Cebreiro).

- Gabián Accipiter nisus. Un exemplar pousado nun poste o 28/12/2016, xa visto en días anteriores polo mesma zona, preto de Eixibrón cruce a Armesto (Becerreá).
- Miñato abelleiro Pernis apivorus. Un exemplar voando por riba das Brañas de Pan do Zarco (Navia de Suarna) o 22/05/2017. Outro exemplar o 31/05/2017 tamén voando no val de Penedo de Vallo (Navia de Suarna).
- Lagarteiro das torres Falco naumanni. Esta especie estivo uns anos visitándonos uns anos, pero desde o 16/08/2015 que observamos uns 20 exemplares por Catro Ventos (Cervantes) e o 24/08/2015 que observamos tamén uns 12 exemplares no Alto de San Roque (Pedrafita do Cebreiro) non os volvemos a ver. Todavía hai tempo a que este ano pasen algúns días por estes lares.

Lagarteiro das torres Falco naumanni por Catro Ventos (Cervantes).

- Garza boieira Bubulcus ibis . Observación de 12 exemplares o 22/10/2016 pousados nun carballo en paso postnupcial no río Navia preto de As Pontes de Gatín (Becerreá).

Garza boieira Bubulcus ibis preto de As Pontes de Gatín (Becerreá).

- Laverca Alauda arvensis Alomenos 4 ex. O 27/04/2016 por A Laxe – Alence (As Nogais). Máis citas na comarca.

Laverca Alauda arvensis por As Nogais.

- Picanzo vermello Lanius collurio. Alomenos 3 parellas o 19/05/2016 por Brañas da Serra (Pedrafita do Cebreiro). Máis citas na comarca.

Picanzo vermello Lanius collurio por Brañas da Serra (Pedrafita do Cebreiro).

- Pedreiro cincento Oenanthe oenanthe. 1 ex subido a 1 pedra case na última cancela o 25/09/2016 no Penarrubia (Cervantes). Tamén o 25/04/2017 por O Pando – Pradela (Cervantes) polo menos 1 ex.

Pedreiro cincento Oenanthe oenanthe por O Pando – Pradela (Cervantes).

- Arcea Scolopax rusticola. 2 exemplares na estrada á noitiña preto de Freixo (A Fonsagrada) o 01/12/2016. Outro exemplar preto de Coro o 29/7/2016 en fototrampeo , posible reproducción.

- Pica alpina Anthus spinoletta. Varios exemplares o 23/05/2017 polo Penarrubia (Cervantes).

Pica alpina Anthus spinoletta polo Penarrubia (Cervantes).

- Merlo rubio Monticola saxatilis. 1 macho no cumio do Penarrubia (Cervantes) o 23/05/2017.

Merlo rubio Monticola saxatilis no Penarrubia (Cervantes).