jueves, 14 de abril de 2011

Malos tempos para a troita

O pasado 20 de marzo comezou a tempada de pesca fluvial en Galicia e polo tanto tamén nos ríos da comarca. Polo visto ata o momento o descenso de capturas de troita común Salmo trutta fario é xeneralizado. Non vou a entrar en valorar o porqué deste descenso de exemplares, xa que penso que é moi complicado e con moitos factores a avaliar, pero os resultados non sinalan un futuro prometedor para esta especie. Sen embargo o primeiro día de pesca deixou algunhas imaxes de exemplares que podedes ver a continuación, excepcións que esperemos non sexan imaxes históricas co paso dos anos:



  • A primeira troita é un exemplar de características notables capturado o primeiro día de pesca da campaña no río Navia, preto de Cabana (Navia de Suarna).


  • A segunda é un bo exemplar capturado o mesmo día no tramo libre do río Lamas, preto de Cereixido (A Fonsagrada).


  • E para rematar a especie que está empezando a asentarse co paso dos anos no río Navia no encoro de Salime e desprazando á troita común: a boga de río Chondrostoma polylepis. Desde a súa aparición fai uns anos xa é unha captura habitual como o exemplar da imaxe capturada preto de Río de Porcos, na parte fonsagradina do encoro de salime.




Troita común Salmo trutta fario capturada no río Navia preto de Cabana (Navia de Suarna).





Troita común Salmo trutta fario capturada preto de Cereixido (A Fonsagrada).






Boga de río Chondrostoma polylepis do encoro de Salime.

Publicar un comentario