jueves, 27 de mayo de 2010

Cullereiro holandés na Fonsagrada

O pasado 18/5/2010, tras unha chamada de Emilio ( o garda do TECOR A Fonsagrada, gracias Emilio), atopouse un exemplar de cullereiro Platalea leucorodia morto no monte Chao Grande, parroquia de Fonfría (A Fonsagrada), a uns 950 metros de altitude.
Está claro que é unha especie fora de lugar nesta zona e que tampouco existen cerca lagoas ou hábitats propicios para o cullereiro, pero o caso é que alí estaba, morto por causas descoñecidas e como puido rematar neste lugar é todo un misterio.
Polo menos estaba anelado, como podedes ver na foto, e por iso sabemos, pola lectura do anel metálico, que foi anelado na estación de Vogeltrekstation en Arnhem (Holanda). Agora toca esperar para coñecer a súa historia.

Cullereiro Platalea leucorodia atopado morto na Fonsagrada.
Publicar un comentario