Noticiario ornitolóxico

Xa tocaba. Demasiado tempo levo con este blog parado. Non teño escusa. Polo tanto que mellor forma de retomar a actividade que contar as novidades ornitolóxicas que penso son as máis interesantes que teño deste tempo nas comarcas da Fonsagrada e dos Ancares. 

E imos comezar polo peto negro, que despois de escoitalo un par de veces, por fin o puiden ver e fotografar por Negueira de Muñíz o 1 de abril de 2022. 

Peto negro Dryocopus martius por Negueira de Muñíz. 

Outra observación interesante foi a dun picanzo cabecirrubio Lanius senator o 16 de abril de 2022 por Reboira (A Fonsagrada).

Picanzo cabecirrubio Lanius senator por Reboira (A Fonsagrada). 

Por Fonfría (Pedrafita do Cebreiro) o 29/08/2017 observamos 1 pedreiro cincento Oenanthe oenanthe, 2 chascos norteños Saxicola rubetra e 2 papamoscas negros Fycedula hypoleuca. Tamén 3 millafres reais Milvus milvus o 17/01/2022.

Pedreiro cincento Oenanthe oenanthe por Fonfría (Pedrafita do Cebreiro). 

Millafre real Milvus milvus por Fonfría (Pedrafita do Cebreiro). 

Entre Lodos e As Cancelas (A Fonsagrada) o 28/03/2021 atopeime pousado a este probable macho de gabián Accipiter nisus.

Gabián Accipiter nisus entre Lodos e As Cancelas (A Fonsagrada). 

Por Torés (As Nogais) o 11/04/2021 no entorno da igrexa e a torre de Torés atopei 4 choias Pyrrhocorax pyrrhocorax, 1 parella de pombos pequenos Columba oenas e unhas 20 grallas pequenas Corvus monedula.

Choias Pyrrhocorax pyrrhocorax por Por Torés (As Nogais). 

Por Aigas (Navia de Suarna) o 03/05/2021 este ferreiriño cristado Lophophanes cristatus.

Ferreiriño cristado Lophophanes cristatus por Aigas (Navia de Suarna). 

Pola serra de Ancares, no Penarrubia (Cervantes) o 23/01/2022 observo 8 lavercas Alauda arvensis, 12 tordos reais Turdus pilaris e 6 picas alpinas Anthus spinoletta.

Laverca Alauda arvensis polo Penarrubia (Cervantes). 

Tordo real Turdus pìlaris polo Penarrubia (Cervantes). 

Preto da torre de Doncos (As Nogais) o 27/03/2022 esta estreliña riscada Regulus ignicapilla.

Estreliña riscada Regulus ignicapilla por Doncos (As Nogais). 

Por Entralgo (Negueira de Muñíz) o 1/04/2022 este picafollas europeo Phylloscopus collybita. 

Picafollas europeo Phylloscopus collybita por Entralgo (Negueira de Muñíz). 

E por último, que non derradeiro, por Catroventos (Cervantes) o 14/03/2022 un polo xoven algo melánico de tartaraña cincenta Circus pygargus.

Tartaraña cincenta Circus pygargus por Catroventos (Cervantes).

Notas ornitolóxicas nos Ancares I

Imos retomar a actividade ocupándonos das aves, que xa tocaba. Por iso imos dividir esta entrada en dous e deste xeito amosar nesta primeira un feixe de citas ornitolóxicas do 2014 de interese na comarca de Ancares e deixando para unha segunda volta ás aves rapaces.

As citas recollidas comezan coa observación dunha parexa de cruzabicos Loxia curvirostra o 19 de marzo preto de O Vilar (As Nogais).

Cruzabico Loxia curvirostra preto de O Vilar (As Nogais).

As perdices Alectoris rufa son outras aves que son fáciles de observar en diferentes puntos da comarca de Ancares, xa cos perdigóns crecidiños a esta altura do ano, o que resulta difícil de saber con seguridade é cales teñen a súa orixe en soltas e cales non.

Perdiz Alectoris rufa por Cervantes.

O merlo rieiro Cinclus cinclus é outra especie que se observa con facilidade todo o ano nos cursos dos ríos ancarenses, como este fotografado desde a ponte da área recreativa do río Navia preto de Navia de Suarna.

Merlo rieiro Cinclus cinclus no río Navia preto de Navia de Suarna.

As choias Pyrrhocorax pyrrhocorax son fácilmente escoitadas e observadas na contorna de canteiras por Becerreá. Sempre observadas en pequenos grupos, fotografámos esta na canteira de Vilaesteva, preto do Alto da Forcadura. O mesmo pasa cas cegoñas brancas Ciconia ciconia que xa son habituais na primaveira e verán polas cotas baixas da comarca de Ancares.

Choia Pyrrhocorax pyrrhocorax preto de Vilaesteva.

Cegoñas brancas Ciconia ciconia no niño nunha igrexa por Baralla.

Unha cita interesante foi a observación dun pombo pequeno Columba oenas o 30 de maio na torre do castelo de Torés. A primeira observación persoal desta especie na comarca.

Pombo pequeno Columba oenas na torre de Torés (As Nogais).

As avenoiterias cincentas Caprimulgus europaeus observámolas en diferentes lugares como a que vista á noitiña nas pistas que suben ao Penarrubia (Cervantes) o 8 de agosto. Tamén os cucos Cuculus canorus se deixaron ver como o observado pola Serra do Vilar o 2 de agosto. Tamén preto do Penarrubia (Cervantes) o 6 e o 8 de agosto e preto de Vilachá (Baralla) o 26 de agosto. Tamén neste último lugar e data se deixou ver unha parella de ouriolos Oriolus oriolus, especie observada tamén preto de O Couso (Cervantes) o 11 de agosto.

Forma vermella de Cuco Cuculus canorus pola Serra de Vilar (Cervantes).

E por último os picanzos vermellos Lanius collurio, obsevados en diferentes zonas como este amosado a continuación preto de Catro Ventos (Cervantes) o 16 de agosto.

Picanzo vermellos Lanius collurio preto de Catro Ventos (Cervantes).

Proximamente: as aves rapaces.

... e un lagarteiro cincento

Ao sur do Cádavo (Baleira), hacia Neira de Rei (Baralla), xurde unha zona de val ocupada por pastizais e sebes e algunha pequenas superficies forestais de frondosas autóctonas. Estos días de inverno neste val os días comezan fríos, con xeadas e cerrados de néboa, pero ao pouco aparece o sol e pronto comeza unha actividade faunística para disfrutar e para facer observacións interesantes.
A primeira observación destacada é a dun lagarteiro cincento Elanus caeruleus nesta zona, preto de Pousada (Baleira). Este exemplar adulto foi observado por primeira vez o día 05/01/2013 e continuaba pola zona ao día seguinte. Esta observación é outra máis das que se están dando este ano en Galicia, sobre todo en zonas onde non é normal atopala. Pode que este sea un síntoma de que esta especie este en expansión. O caso é que esta fermosa rapaz é especialmente fotoxénica, polo que non deixei escapar a oportunidade.

 Lagarteiro cincento Elanus caeruleus preto de Pousada (Baleira).

Tamén nos sorprende ver outra especie que está claramente en expansión como é a cegoña branca Ciconia ciconia. Nesta zona coñecemos varios niños que veñen sendo ocupados de xeito regular nos últimos anos, pero vela nestas datas é o que nos chama a atención, aínda que cada vez menos.

Cegoña branca Ciconia ciconia preto de Pousada (Baleira).

Un picanzo real Lanius meridionalis, un esmerillón Falco columbarius e un grupo de máis de 20 choias Pyrrhocorax pyrrhocorax acabaron de amenizar ornitoloxicamente o día por este val.

Picanzo real Lanius meridionalis preto de Pousada (Baleira).

Outros habitantes desta zona son os desconfiados corzos Capreolus capreolus que a primeira hora aproveitan para alimentarse e que se esconden ao menor movemento. Tamén unha lebre Lepus granatensis corría estrañamente de día pola zona.

Corzos Capreolus capreolus preto de Pousada (Baleira).

Lebre Lepus granatensis preto de Pousada (Baleira).

Observacións ornitolóxicas de maio

Sen dedicarlle moito tempo aos paxaros, anotamos para a comarca estas novas observacións neste mes:

1 falcón peregrino Falco peregrinus no monte Redondín en Quintá (Baleira).

23 choias Pyrrhocorax pyrrhocorax en Arexo (A Fonsagrada).

20 rulas Streptopelia turtur mínimo e 8-10 parexas mínimo de picanzos vermellos Lanius collurio repartidos pola comarca.

Femia de picanzo vermello Lanius collurio por Castañoso (A Fonsagrada).

Macho de picanzo vermello Lanius collurio por Castañoso (A Fonsagrada).

12 pimpíns Fringilla coelebs e 4 úbalos Carduelis spinus en san Cibrán ( A Fonsagrada).

Úbalo Carduelis spinus en San Cibrán (A Fonsagrada).

1 ouriolo Oriolus oriolus en Paradanova. (A Fonsagrada).

1 picanzo real Lanius meridionalis en San Pedro do Río (A Fonsagrada).

1 azulenta Prunella modularis e unha papuxa das amoras Sylvia atricapilla por A Lastra (Baleira).

Papuxa das amoras Sylvia atricapilla por A Lastra (Baleira).

Azulenta Prunella modularis por A Lastra (Baleira).

Novas observacións ornitolóxicas 16/4/2010

Segundo vai entrando a primaveira seguimos observando na comarca novos visitantes de paso, outros que veñen para quedarse ata o fin do estío e outros que están todo o ano e así imos censando ornitolóxicamente a comarca.

Xa levamos unha semana sen ver ás dúas garzas reais Ardea cinerea que nos regatos e prados de Córneas (Baleira) e Sanguñedo (A Fonsagrada) levaban todo o inverno.

No encoro de Salime seguen:
Corvo mariño grande Phalacrocorax carbo - 8
Lavancos Anas platyrhynchos - 6

Choias Pyrrhocorax pyrrhocorax - 33

Merlo azul Monticola solitarius - 1 preto de Arexo

Andoriña Hirundo rustica - 15 (desde fai 15 días)

Pedreiros cincentos Oenanthe oenanthe.- 6 (os primeiros polo Campo do Vento e Peizais en A Fonsagrada).
Lavercas Alauda arvensis - 7 e petos verdes Picus viridis - 2 (pola Cortevella, Baleira).

Cucos Cuculus canorus - 1 (o primeiro do ano por Pacios , A Fonsagrada).

Cuco Cuculus canorus na Fonsagrada

Peto verde Picus viridis por Baleira.

Pedreiros cincentos Oenanthe oenanthe pola Fonsagrada.

Andoriñas Hirundo rustica na Fonsagrada.

Miradoiro de Arexo - A Fonsagrada

Dende o miradoiro de Arexo pódense observar as mellores vistas de toda a comarca. Esta zona do cañón que forma o río Navia é ideal para observar con facilidade varias especies de aves rapaces, como o falcón peregrino, o miñato e o lagarteiro. Pero si hai unha ave que caracteriza este espazo esa é a choia Pyrrhocorax pyrrhocorax e na visita que hoxe fago observo un grupo familar de 5 exemplares.

Choia Pyrrhocorax pyrrhocorax nunha foto de archivo na Costa Ártabra.

Tamén atopei no miradoiro, disfrutando das vistas, este macho adulto de escribenta riscada Emberiza cia que se deixou fotografiar a pracer.

Macho adulto de escribenta riscada Emberiza cia no miradoiro de Arexo (A Fonsagrada).

Xa de volta, unha parada no pico do Seixón para atopar uns exemplares de afroixóns Narcissus asturiensis en plena floración, especie considerada como "vulnerable" no Catálogo Galego de Especies Ameazadas".

Afroixóns Narcissus asturiensis na Fonsagrada.

Polo camiño tamén atopei a esta femia de cardeal Pyrrhula pyrrhula moi ocupada cos gromos das árbores froiteiras.

Femia de cardeal Pyrrhula pyrrhula na Fonsagrada.